Ֆուտբոլի Հայաստանի չեմպիոն «Արարատ-Արմենիայի» գլխավոր մարզիչ Դավիդ Կամպանյան հետխաղյա ասուլիսում մեկնաբանել է Կիպրոսի «Օմոնիայից» կրած նվազագույն հաշվով պարտությունը Չեմպիոնների լիգայի որակավորման առաջին փուլի խաղում, փոխանցում է ակումբի մամուլի ծառայությունը:
«Ստացվեց հավասար խաղ, մրցում էինք շատ հասուն թիմի դեմ: Ունեցանք որոշ հնարավորություններ, սակայն հաջողության չհասանք: Երկրորդ խաղակեսում ևս մենք վերահսկում էինք խաղը, սակայն մրցակիցը սկսեց ավելի շատ գրոհել: Մեր առաջնությունում «Օմոնիայի» պես թիմ չկա: Կշարունակենք աշխատանքը, որպեսզի զարգանանք»,- նշել է իսպանացի մասնագետը:
Ավանի Ֆուտբոլի ակադեմիայում կայացած խաղում «Օմոնիան» հաղթել էր լրացուցիչ ժամանակում և դուրս եկել Չեմպիոնների լիգայի որակավորման երկրորդ փուլ, որտեղ կմրցի Լեհաստանի չեմպիոն Վարշավայի «Լեգիայի» հետ: «Արարատ-Արմենիան» պայքարը կշարունակի Եվրոպայի լիգայի որակավորման երկրորդ փուլում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։