Ռոնալդ Կումանը՝ «Բարսելոնայի» գլխավոր մարզիչ

57-ամյա Ռոնալդ Կումանը ստանձնել է կատալոնական «Բարսելոնայի» գլխավոր մարզիչի պաշտոնը: Այս մասին տեղեկացնում է Իսպանիայի փոխչեմպիոնի մամուլի ծառայությունը:

«Բարսելոնան» 4-5 միլիոն եվրո տուգանք կվճարի Նիդերլանդների ֆուտբոլի ֆեդերացիային, քանի որ հավաքականի գլխավոր մարզիչի պաշտոնում Կումանի պայմանագիրը նախատեսված էր մինչև 2021 թվականի հունիս:

Ռոնալդ Կումանի պայմանագիրը «Բարսելոնայի» հետ նախատեսված է 2 տարով:

Կումանը Հոլանդիայի ազգային հավաքականի գլխավոր մարզիչի պաշտոնը զբաղեցնում է 2018 թվականի փետրվարից: 1989-1995 թվականներից նա եղել է «Բարսելոնայի» խաղացող, իսկ 1998-2000-ին ընդգրկված է եղել կատալոնական թիմի մարզչական շտաբում։