Ֆուտբոլի Հայաստանի չեմպիոն «Արարատ-Արմենիայի» և Կիպրոսի «Օմոնիայի» միջև Չեմպիոնների լիգայի որակավորման առաջին փուլի խաղի գլխավոր մրցավար է նշանակվել ռումինացի Սեբաստիան Կոլցեսկուն, հաղորդում է ՈւԵՖԱ-ի մամուլի ծառայությունը:
Օգոստոսի 19-ին Ավանի Ֆուտբոլի ակադեմիայում կայանալիք խաղում Կոլցեսկուին եզրերում կօգնեն իր հայրենակից Ռադու Գինգուլեցը և բելառուս Անտոն Գուսևը:
Հիշեցնենք, որ Չեմպիոնների լիգայի որակավորման փուլի դիմակայություններն անցկացվում են մեկ խաղով: «Օմոնիային» հաղթելու դեպքում հայկական ակումբը կմրցի «Լեգիա» (Լեհաստան) - «Դրիտա» (Կոսովո)/«Լինֆիլդ» (Հյուսիսային Իռլանդիա) զույգի հաղթողի հետ:
Օգոստոսի 19-ին Թբիլիսիում կայանալիք «Դինամո Թբիլիսի» (Վրաստան) - «Տիրանա» (Ալբանիա) հանդիպան ՈւԵՖԱ-ի պատվիրակ է նշանակվել ՀՖՖ հավաքական թիմերի ապահովման բաժնի պետ Դավիթ Ավանեսյանը, հանդիպման մրցավարների տեսուչ՝ Գևորգ Հովհաննիսյանը, հայտնում է ՀՖՖ-ն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։