Ֆուտբոլի Եվրոպայի լիգայում օգոստոսի 15-ին տեղի կունենա կիսաեզրափակիչի առաջին զույգի հանդիպումը։ Գերմանիայի Քյոլն քաղաքում կմրցեն իսպանական «Սեւիլիան» ու անգլիական «Մանչեսթեր Յունայթեդը»։
Բուքմեյքերները կանխատեսում են հիմնական ժամանակում «Մանչեսթեր Յունայթեդի» հաղթանակը։ Նորվեգացի Ուլե-Գունար Սուլշերի գլխավորած թիմի հաղթանակի գործակիցը 2․45 է։ «Սեւիլիայի» հաղթանակի հավանականությունը գնահատվում է 3․10, ոչ ոքին՝ 3․20 գործակցով։
Եզրափակիչ դուրս գալու գործակիցը «Մանչեսթեր Յունայթեդի» համար 1․75 է, «Սեւիլիայի» համար՝ 2․05։
«Սեւիլիա» - «Մանչեսթեր Յունայթեդ» հանդիպումը կմեկնարկի Երեւանի ժամանակով 23։00-ին։
Թիմերը նախորդ անգամ հանդիպել են 2018թ․ մարտին Չեմպիոնների լիգայի 1/8 եզրափակիչի պատասխան խաղում։ «Սեւիլիան» Մանչեսթերում հաղթել է 2։1 հաշվով եւ դուրս եկել քառորդ եզրափակիչ։ Իսպանիայում տեղի ունեցած առաջին հանդիպումն ավարտվել էր 0։0 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։