Ֆուտբոլի Հայաստանի Պրեմիեր լիգայի նորեկ «Վանը» առաջնության առաջին տուրում Չարենցավանում ընդունեց «Գանձասար-Կապանին» եւ առավելության հասավ 2։1 հաշվով։
19-րդ րոպեին հանդիպման հաշիվը բացեց «Վանի» 23-ամյա կոտդիվուարցի հարձակվող Ուիլֆրիդ Կվազի Էզան, որն արդյունավետ իրացրեց 11 մետրանոցը։ 28-րդ րոպեին հյուրերի կիսապաշտպան Գեղամ Հարությունյանը վերականգնեց հավասարությունը։
Երկրորդ խաղակեսում «Վանի» հաղթական գոլը խփեց 31-ամյա հարձակվող Միհրան Մանասյանը։
«Վանը» 3 միավորով բարձրացավ առաջին տեղ։
Օգոստոսի 16-ին Երևանում «Նոան» կմրցի «Շիրակի» (մեկնարկը՝ 17:30), իսկ «Արարատը»՝ «Փյունիկի» հետ (մեկնարկը՝ 19:30):
Օգոստոսի 17-ին Երևանում «Ուրարտուն» կընդունի «Լոռիին»: Հանդիպումը կմեկնարկի 19:00-ին:
Հայաստանի առաջնություն, առաջին տուր
«Վան» - «Գանձասար-Կապան»՝ 2։1
Ուիլֆրիդ Կվազի Էզա, 19, 11մ, Միհրան Մանասյան, 67 - Գեղամ Հարությունյան, 28
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։