«Բարսելոնան» խոշոր հաշվով պարտվում է «Բավարիային» առաջին խաղակեսից հետո (տեսանյութ)

23:45   14 օգոստոսի, 2020

Չեմպիոնների լիգայի քառորդ եզրափակիչում մրցում են Իսպանիայի փոխչեմպիոն «Բարսելոնան» ու Գերմանիայի չեմպիոն Մյունխենի «Բավարիան»։ Պորտուգալիայի մայրաքաղաք Լիսաբոնում ընթացող հանդիպման առաջին խաղակեսից հետո կատալոնական թիմը պարտվում է 1։4 հաշվով։

Դուբլի հեղինակ դարձավ «Բավարիայի» գերմանացի հարձակվող Թոմաս Մյուլերը, որը հաշիվը բացեց արդեն չորրորդ րոպեին։ Երեք րոպե անց սեփական դարպասը գրավեց մյունխենյան թիմի ավստրիացի պաշտպան Դավիդ Ալաբան։

21-րդ րոպեին խորվաթ կիսապաշտպան Իվան Պերիշիչը խփեց գերմանացի Հանս-Դիտեր Ֆլիկի գլխավորած թիմի երկրորդ գոլը։ 27-րդ րոպեին գերմանացի կիսապաշտպան Սերժ Գնաբրին գրավեց գերմանացի Մարկ-Անդրե Տեր Շտեգենի պաշտպանած դարպասը։ 31-րդ րոպեին Մյուլերը ձեւակերպեց դուբլ։

Ընդմիջում է։

Այս զույգի հաղթողը կիսաեզրափակիչում կմրցի անգլիական «Մանչեսթեր Սիթիի» եւ ֆրանսիական «Լիոնի» դիմակայության հաղթողի հետ։

Չեմպիոնների լիգա, քառորդ եզրափակիչ, առաջին խաղակես

«Բարսելոնա» - «Բավարիա»՝ 1։4 (տեսանյութ)
Դավիդ Ալաբա, 7, ինքնագոլ - Թոմաս Մյուլեր, 4, 31, Իվան Պերիշիչ, 21, Սերժ Գնաբրի, 27



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։