Նագելսման. Մենք հատուկ ծրագիր ենք կազմել ՊՍԺ-ին հաղթելու համար
15:50 14 օգոստոսի, 2020Գերմանական «Լայպցիգի» գլխավոր մարզիչ Յուլիան Նագելսմանը խոսել է Չեմպիոնների լիգայի կիսաեզրափակիչի՝ ՊՍԺ-ի հետ սպասվող դիմակայության մասին:
«Մեր մարտավարությունն արդարացրեց իրեն «Աթլետիկոյի» դեմ խաղում: Կարողացանք լավ պաշտպանվել և օգտագործել մեր հնարավորությունները:
Կիսաեզրափակիչում մրցելու ենք ուժեղ թիմի դեմ, սակայն վստահ եմ, որ կկարողանանք դուրս գալ եզրափակիչ: Մենք հատուկ ծրագիր ենք կազմել ՊՍԺ-ին հաղթելու համար»,- Նագելսմանի խոսքը փոխանցում է ՈւԵՖԱ-ի մամուլի ծառայությունը:
Հիշեցնենք, որ Չեմպիոնների լիգայի քառորդ եզրափակիչում «Լայպցիգը» 2:1 հաշվով հաղթանակ տարավ «Աթլետիկոյի» նկատմամբ, իսկ 33-ամյա Յուլիան Նագելսմանը դարձավ ամենաերիտասարդ մարզիչը, որի գլխավորած թիմը դուրս է եկել մրցաշարի կիսաեզրափակիչ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։