Կամո Հովհաննիսյան․ Շատ հաճելի կլինի խաղալ հայկական թիմի դեմ
00:03 13 օգոստոսի, 2020Ղազախական «Կայրաթի» եւ Հայաստանի հավաքականի կիսապաշտպան Կամո Հովհաննիսյանը մեկնաբանել է Եվրոպայի լիգայի առաջին որակավորման փուլի վիճակահանության արդյունքը։ «Կայրաթը» կընդունի Հայաստանի գավաթակիր եւ փոխչեմպիոն Երեւանի «Նոային»։
«Շատ հաճելի կլինի խաղալ հայկական թիմի դեմ։ Գիտեմ, որ «Նոան» երիտասարդ թիմ է, այս տարի նվաճել է Հայաստանի գավաթն ու սուպերգավաթը, երկրորդն էին առաջնությունում։
Ամուր եւ կարգապահ թիմ է։ Մինչեւ վերջ պայքարում են։ Այո, իհարկե ունեմ ծանոթներ այդ թիմում։ Լավ եմ ճանաչում նրանց տնօրեն Արթուր Սահակյանին։ Միասին ենք սկսել ֆուտբոլ խաղալ։
Հաճելի կլինեի խաղալ հայրենիքում, բայց պետք է հաշվի առնել, որ ես «Կայրաթի» ֆուտբոլիստ եմ եւ սեփական խաղադաշտում խաղալն առավելություն է մեր ակումբի համար։ Պետք է բոլոր ջանքերը գործադրել, որպեսզի դուրս գանք հաջորդ փուլ»,- Կամո Հովհաննիսյանի խոսքը մեջբերում է «Կայրաթի» մամուլի ծառայությունը։
Առաջին որակավորման փուլի հանդիպումները տեղի կունենան օգոստոսի 27-ին։ Ամեն զույգում կանցկացվի մեկ հանդիպում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։