Դե Լիգտը վիրահատվել է Հռոմում եւ բաց կթողնի 3 ամիս
21:10 12 օգոստոսի, 2020Իտալիայի չեմպիոն Թուրինի «Յուվենտուսի» 20-ամյա պաշտպան Մատեյս Դե Լիգտը վիրահատության է ենթարկվել Հռոմի հիվանդանոցներից մեկում, հաղորդում է ակումբի մամուլի ծառայությունը։ Նա ուսի վնասվածք ուներ եւ սպասում էր մրցաշրջանի ավարտին։ Հոլանդացի ֆուտբոլիստը բաց կթողնի մրցաշրջանի սկիզբը։ Նրան վերականգնվելու համար կպահանջվի երեք ամիս։
«Յուվենտուսի» համար ավարտված մրցաշրջանում Դե Լիգտն իտալական թիմի հետ բոլոր մրցաշարերում մասնակցել է 39 հանդիպման, խփել 4 գոլ, կատարել 1 գոլային փոխանցում։
Հիշեցնենք, որ Դե Լիգտն անցած ամռանն է Ամստերդամի «Այաքսից» տեղափոխվել «Յուվենտուս», որը նրա համար վճարել է 85 միլիոն եվրո։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։