Ֆուտբոլի Ռուսաստանի հավաքականի նախկին կիսապաշտպան Ռոման Շիրոկովը ներողություն է խնդրել սիրողական թիմերի հանդիպման ժամանակ մրցավարի վրա հարձակվելու ու նրան հարվածելու համար: Միջադեպի պատճառով «Матч ТВ» հեռուստաալիքը նախկին ֆուտբոլիստին անորոշ ժամանակով հեռացրել է եթերից, հաղորդում է Sport24-ը:
«Երեկ տեղի ունեցած միջադեպի առթիվ ցանկանում եմ ներողություն խնդրել Նիկիտայից: Քաջ գիտակցում եմ, որ ակնհայտ 11 մետրանոց չնշանակելն ու կարմիր քարտը չեն կարող դառնալ ձեռքերին ազատություն տալու պատճառ: Հուսով եմ, որ Նիկիտան հնարավորինս շուտ կվերադառնա ասպարեզ: Նաև ցանկանում եմ ներողություն խնդրել մրցաշարի կազմակերպիչներից, «Матч ТВ»-ի թիմի իմ թիմակիցներից ու հանդիսատեսից»,- սոցցանցերում գրել է Ռոման Շիրոկովը:
Միջադեպից հետո մրցավարը տեղափոխվել է հիվանդանոց, որտեղ մի քանի կար են դրել նրա դեմքին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։