Տուխել․ Բարդ կլինի գոլ բաց չթողնել «Ատալանտայից»

22:20   10 օգոստոսի, 2020

Ֆրանսիայի չեմպիոն ՊՍԺ-ի գերմանացի գլխավոր մարզիչ Թոմաս Տուխելը խոսել է Չեմպիոնների լիգայի քառորդ եզրափակիչում իտալական «Ատալանտայի» հետ առաջիկա դիմակայության մասին։

«Լավ պաշտպանությունը շատ կարեւոր կլինի «Ատալանտայի» դեմ խաղում։ Նրանք բացառիկ խաղաոճ ունեն՝ բոլոր խաղացողներով գրոհում եմ, մշտապես առաջ են շարժվում եւ պրեսինգի դիմում։ Նրանց 10 համար Գոմեսը միշտ ազատ տեղաշարժվում է եւ ձգտում է գործակցել թիմակիցների հետ փոքր տարածություններում։ Նրանք սիրում են խաղալ երկու եզրերով էլ շատ հարձակողական վինգերների օգնությամբ, փոխանցումներ են կատարում տուգանային հրապարակ, բայց կարող են նաեւ հեռվից հարվածել։

Այս ամենը նշանակում է, որ մենք պետք է շատ ուշադիր լինենք պաշտպանությունում եւ ձգտենք անառիկ պահել դարպասը, բայց նաեւ հասկանում ենք, որ շատ բարդ է գոլ բաց չթողնել «Ատալանտայից»»,- Տուխելի խոսքը մեջբերում է beIN Sports-ը։

«Ատալանտա» - ՊՍԺ հանդիպումը Պորտուգալիայում տեղի կունենա օգոստոսի 12-ին եւ կմեկնարկի Երեւանի ժամանակով 23։00-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։