Պիրլո․ «Յուվենտուսը» խնդիրներ ունի միջին գծում, Ռոնալդուին պետք է ավելի լավ օգնել

Իտալիայի չեմպիոն Թուրինի «Յուվենտուսի» գլխավոր մարզիչի պաշտոնում նշանակված 41-ամյա իտալացի Անդրեա Պիրլոն ներկայացրել է իր պատկերացումները թիմի խաղի վերաբերյալ։

«Թե ինչպես կխաղանք, կախված է ֆուտբոլիստներից, բայց ես նախընտրում եմ 4-3-3 դասավորությունը, երբ բոլորը նետվում են գրոհի։ Ես սիրում, երբ թիմը վերահսկում է գնդակը, երկար փոխանցումներ է կատարում։

Սակայն կենտրոնանալ մի սխեմայի վրա չեմ պատրաստվում։ Կտեսնենք ֆուտբոլիստների հնարավորություններն ու ցանկությունները։

«Յուվենտուսը» խնդիրներ ունի միջին գծում։ Թիմում կա Ռոնալդուն, բայց նրան ավելի լավ է պետք օգնել»,- Պիրլոյի խոսքը մեջբերում է Football Italia-ն։

Հիշեցնենք, որ մարզչական աշխատանքի փորձ չունեցող Պիրլոն փոխարինել է իտալացի Մաուրիցիո Սարիին։