Ռոնալդուն՝ «Յուվենտուսի» լավագույն խաղացող

17:42   10 օգոստոսի, 2020

Պորտուգալացի հարձակվող Կրիշտիանու Ռոնալդուն ճանաչվել է Իտալիայի չեմպիոն Թուրինի «Յուվենտուսի» լավագույն ֆուտբոլիստն ավարտվող մրցաշրջանում, հաղորդում է ակումբի մամուլի ծառայությունը։ Քվեարկությանը մասնակցել են երկրպագուները։

Իտալիայի ավարտված առաջնությունում 35-ամյա ֆուտբոլիստը խփել է 31 գոլ, իսկ բոլոր մրցաշարերում՝ 37 գոլ։ Այդ ցուցանիշով նա սահմանել է ակումբի ռեկորդ։

Ռոնալդուն «Յուվենտուսի» հետ երկրորդ անգամ հռչակվեց Իտալիայի չեմպիոն։ Չեմպիոնների լիգայի 1/8 եզրափակիչում թուրինյան թիմը չհաղթահարեց «Լիոնի» արգելքը։

Ֆրանսիական թիմի դեմ պատասխան խաղում (2։1) Ռոնալդուն դարձավ դուբլի հեղինակ, սակայն իտալական թիմը մեկ գոլ բաց թողեց եւ դուրս մնաց պայքարից։ Առաջին խաղում ֆրանսիական թիմը տանը հաղթել էր 1։0 հաշվով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։