Ջեյդոն Սանչոն միացել է «Բորուսիային». Նրա տեղափոխությունը «Մանչեսթեր Յունայթեդ» ձախողման եզրին է

14:38   10 օգոստոսի, 2020

Դորտմունդի «Բորուսիայի» և Անգլիայի ազգային հավաքականի կիսապաշտպան Ջեյդոն Սանչոն, ամենայն հավանականությամբ, ընթացիկ տրանսֆերային պատուհանի ընթացքում չի տեղափոխվի անգլիական «Մանչեսթեր Յունայթեդ»:

Ակումբի մամուլի ծառայության հաղորդմամբ՝ 20-ամյա Սանչոն միացել է «Բորուսիային» և ակումբի կազմում մեկնել մինչմրցաշրջանային հավաքի:

Ավելի վաղ հայտնի էր դարձել, որ «Մանչեսթեր Յունայթեդը» չի կարողանում համաձայնության գալ «Բորուսիայի» հետ անգլիացի ֆուտբոլիստի տրանսֆերային արժեքի հարցում: «Բորուսիան» մտադիր չէ 120 միլիոն եվրոյից պակաս գումարի դիմաց վաճառել Սանչոյին, իսկ «Մանչեսթեր Յունայթեդը» պատրաստ չէ 100 միլիոն եվրոյից ավել վճարել 20-ամյա կիսապաշտպանի դիմաց:

Ջեյդոն Սանչոյի պայմանագիրը «Բորուսիայի» հետ նախատեսված է մինչեւ 2022թ․ հունիս։

Գերմանիայի ավարտված առաջնությունում Սանչոն մասնակցել է 32 հանդիպման, խփել 17 գոլ, կատարել 16 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։