Ստամբուլի «Բեշիքթաշը» կարող է պայմանագիր կնքել Ա Սերիայից դուրս մնացած «Բրեշիայի» իտալացի հարձակվող Մարիո Բալոտելիի հետ, տեղեկացնում է Sky Italia-ն:
«Բեշիքթաշն» արդեն բանակցություններ է սկսել Բալոտելիի ներկայացուցիչների հետ: Թուրքական ակումբը 29-ամյա հարձակվողին առաջարկել է տարեկան 2.5 միլիոն եվրո աշխատավարձ:
Մարիո Բալոտելիի պայմանագիրը «Բրեշիայի» հետ նախատեսված է մինչև 2022 թվականի հունիս, սակայն ավելի վաղ հաղորդվել էր, որ կողմերը համաձայնության են եկել պայմանագիրը խզելու հարցում:
Մարիո Բալոտելին նախորդ տարվա ամռանն էր տեղափոխվել «Բրեշիա»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։