Բենզեմայի նվաճումը Չեմպիոնների լիգայում
12:47 8 օգոստոսի, 2020Մադրիդի «Ռեալի» ֆրանսիացի հարձակվող Քարիմ Բենզեման Չեմպիոնների լիգայի 1/8 եզրափակիչի՝ «Մանչեսթեր Սիթիի» դեմ խաղում յուրահատուկ նվաճման է հասել:
Բենզեման «Մանչեսթեր Սիթիի» դեմ խաղում խփեց իր 65-րդ գոլը Չեմպիոնների լիգայում՝ դառնալով մրցաշարի պատմության չորրորդ լավագույն ռմբարկուն:
Չեմպիոնների լիգայի լավագույն ռմբարկուն Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն է՝ 128 գոլ: Երկրորդ տեղում «Բարսելոնայի» արգենտինացի հարձակվող Լիոնել Մեսին՝ 114 գոլ, իսկ երրորդ տեղում «Ռեալի» նախկին հարձակվող Ռաուլն է, որը խփել է 71 գոլ:
Հիշեցնենք, որ «Ռեալը» պարտություն կրեց «Մանչեսթեր Սիթիից» 1:2 հաշվով և դուրս մնաց Չեմպիոնների լիգայից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։