Վարանն իր վրա է վերցրել «Մանչեսթեր Սիթիի» դեմ խաղում «Ռեալի» պարտության պատասխանատվությունը

10:14   8 օգոստոսի, 2020

Մադրիդի «Ռեալի» ֆրանսիացի կենտրոնական պաշտպան Ռաֆայել Վարանն իր վրա է վերցրել Չեմպիոնների լիգայի 1/8 եզրափակիչի՝ «Մանչեսթեր Սիթիի» դեմ խաղում իր թիմի կրած պարտության պատասխանատվությունը:

«Դա իմ պարտությունն էր: Ես իմ վրա եմ վերցնում պատասխանատվությունը: Մենք լավ էինք պատրաստվել այս հանդիպմանը, սակայն չափազանց շատ սխալներ թույլ տվեցինք:

Սա շատ ծանր օր է ինձ համար: Ֆուտբոլում ամեն ինչ էլ պատահում է, և մենք պետք է մեր սխալներն ուղղենք հաջորդ մրցաշրջանում»,- Վարանի խոսքը փոխանցում է Marca-ն:

Հիշեցնենք, որ «Ռեալը» պարտություն կրեց «Մանչեսթեր Սիթիից» 1:2 հաշվով և դուրս մնաց Չեմպիոնների լիգայից:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։