37-ամյա Ռոբին վան Պերսին սկսել է մարզչական կարիերա

17:42   7 օգոստոսի, 2020

Հոլանդական «Ֆեյենորդի» նախկին հարձակվող Ռոբին վան Պերսին վերադարձել է հարազատ ակումբ՝ ընդգրկվելով մարզչական շտաբում։ Սա Հոլանդիայի հավաքականի նախկին խաղացողի մարզչական կարիերայի սկիզբն է։ 37-ամյա մասնագետը «Ֆեյենորդի» գլխավոր մարզիչ Դիկ Ադվոկատի շտաբում պատասխանատու կլինի հարձակվողների հետ աշխատանքի համար, հաղորդում է ակումբի մամուլի ծառայությունը։

Վան Պերսին «Ֆեյենորդի» սան է։ Ակումբի կազմում հանդես է եկել 2001-2004-ին եւ 2018-2019-ին՝ ավարտելով խաղացողի կարիերան։

Ակումբային կարիերայի ընթացքում Վան Պերսին հանդես է եկել Լոնդոնի «Արսենալում» (2004-2012), «Մանչեսթեր Յունայթեդում» (2012-2015), թուրքական «Ֆեներբահչեում»  (2015-2018)։

Հոլանդիայի հավաքականի հետ Վան Պերսին դարձել է աշխարհի փոխչեմպիոն եւ բրոնզե մեդալակիր։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։