Գվարդիոլա․ Եթե ցանկանում ենք հաղթել ՉԼ-ում, պետք է ավելի լավ պաշտպանվենք

20:14   6 օգոստոսի, 2020

Անգլիայի փոխչեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան կարեւորել է պաշտպանությունը Չեմպիոնների լիգայում հաջողության հասնելու համար։

«Եթե ցանկանում ենք հաղթել Չեմպիոնների լիգայում, պետք է ավելի լավ պաշտպանվենք։ Բաց թողած գոլերից ավելի կարեւոր է, թե ինչպես ենք դրանք բաց թողնում։ Դրանց մեծ մասից կարելի էր խուսափել։

Մենք գիտենք այդ մասին։ Այս տարիների ընթացքում շատ ենք քննարկել այս խնդիրը»,- Գվարդիոլայի խոսքը մեջբերում է ՈւԵՖԱ-ի մամուլի ծառայությունը։

Չեմպիոնների լիգայի 1/8 եզրափակիչի պատասխան խաղում «Մանչեսթեր Սիթին» օգոստոսի 7-ին կընդունի Իսպանիայի չեմպիոն Մադրիդի «Ռեալին»։ Առաջին խաղում անգլիական ակումբը Մադրիդում հաղթել է 2։1 հաշվով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։