Պրեմյեր լիգայի ակումբները դեմ քվեարկեցին հաջորդ մրցաշրջանում ֆուտբոլիստների 5 փոփոխությանը
18:10 6 օգոստոսի, 2020Անգլիայի Պրեմյեր լիգայի ակումբներն ընդհանուր ժողովում քննարկել են հաջորդ մրցաշրջանում VAR-ի կիրառման եւ ֆուտբոլիստների հինգ փոփոխությունների կանոնները։
Որոշում է ընդունվել հաջորդ մրցաշրջանում վերադառնալ խաղացողների երեք փոփոխության։ Պահեստային խաղացողների թիվը չի կարող լինել յոթից շատ, հաղորդում է BBC-ն։
Ակումբների մեծ մասը համարում է, որ կորոնավիրուսի պանդեմիայի պայմաններում կիրառված հինգ փոփոխության հնարավորությունը օգուտ է տվել հարուստ ակումբներին, որոնք ամեն խաղային դիրքի համար ունեն հավասարազոր փոխարինողներ։
Ակումբները միաձայն կողմ են քվեարկել կրկնապատկերի VAR մրցավարական համակարգի կիրառմանը ՖԻՖԱ-ի կանոններին համապատասխան։
Հիշեցնենք, որ ֆուտբոլի կանոնները կարգավորող Ֆուտբոլային ասոցիացիաների միջազգային խորհուրդը (IFAB) երկարաձգել էր հինգ փոփոխությունների կանոնը, սակայն ամեն առաջնություն կարող է կիրառել կամ չկիրառել այն։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։