Վերատի. Եթե խոսվում է Մեսիի՝ Իտալիա տեղափոխության մասին, ապա Ա Սերիան վերականգնել է իր համբավը
15:49 6 օգոստոսի, 2020Ֆրանսիական ՊՍԺ-ի և Իտալիայի ազգային հավաքականի կիսապաշտպան Մարկո Վերատին խոսել է կատալոնական «Բարսելոնայի» արգենտինացի հարձակվող Լիոնել Մեսիի՝ Միլանի «Ինտեր» հնարավոր տեղափոխության մասին:
«Ինձ համար Մեսիի՝ «Ինտեր» տեղափոխության մասին լուրերը ոչ ավելին են, քան պարզապես շշուկներ: Չեմ կարծում, որ Մեսին կհեռանա «Բարսելոնայից»:
Այնուամենայնիվ, եթե խոսվում է Մեսիի՝ Իտալիա տեղափոխության մասին, ապա Ա Սերիան վերականգնել է իր համբավը»,- Վերատիի խոսքը մեջբերում է Mundo Deportivo-ն:
Ավելի վաղ իսպանական մարզական պարբերականները հայտնել էին, որ 33-ամյա Լիոնել Մեսին լարված հարաբերություններ ունի «Բարսելոնայի» նախագահ Խոսեպ Մարիա Բարտոմեուի հետ և կարող է քննարկել Միլանի «Ինտեր» տեղափոխվելու հնարավորությունը:
Նշվում էր նաև, որ Մեսիի հայրը մեկնել է Միլան և առանձնատուն է ձեռք բերել «Ինտերի» գրասենյակի շրջակայքում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։