Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը խոսել է թիմի չիլիացի հարձակվող Ալեքսիս Սանչեսի՝ Միլանի «Ինտեր» տեղափոխության մասին:
«Կարող եմ հաստատել, որ Ալեքսիսի տեղափոխության հարցում կա ձեռքբերված համաձայնություն Միլանի «Ինտերի» հետ:
Ալեքսիսին դուր է գալիս «Ինտերը», ուրախ եմ նրա տեղափոխության համար և ամենայն բարին եմ մաղթում նրան ապագայում»,- նորվեգացի մասնագետի խոսքը փոխանցում է Sky Sports-ը:
Հիշեցնենք, որ Ալեքսիս Սանչեսը վարձակալությամբ «Ինտեր» է տեղափոխվել 2019 թվականի ամռանը:
Ավարտված մրցաշրջանում իտալական թիմի կազմում անցկացրած 21 խաղերում Սանչեսը դարձել է 4 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։