ԵԼ․ «Ինտերն» ու «Մանչեսթեր Յունայթեդը» դուրս եկան քառորդ եզրափակիչ (տեսանյութ)

00:54   6 օգոստոսի, 2020

Եվրոպայի լիգայի 1/8 եզրափակիչի պատասխան խաղում անգլիական «Մանչեսթեր Յունայթեդը» տանը մրցեց ավստրիական «ԼԱՍԿ Լինցի» հետ։ Նորվեգացի Ուլե-Գունար Սուլշերի գլխավորած թիմը հաղթանակ տարավ 2։1 հաշվով անգլիացի կիսապաշտպան Ջեսի Լինգարդի եւ ֆրանսիացի հարձակվող Անտոնի Մարտիալի գոլերի շնորհիվ։

Առաջին խաղում մանչեսթերյան թիմը հաղթել էր 5։0 հաշվով։

«Մանչեսթեր Յունայթեդի» մրցակիցը քառորդ եզրափակիչում կլինի դանիական «Կոպենհագենը», որը պայքարից դուրս է թողել թուրքական «Իստանբուլ Բաշակշեհիրին»։

«Ինտերը» չեզոք խաղադաշտում՝ Գերմանիայի Գիլզենկիրխեն քաղաքում, անցկացրեց 1/8 եզրափակիչի նոր ձեւաչափով (մեկ խաղ) դիմակայությունը իսպանական «Խետաֆեի» հետ։ Միլանյան թիմն առավելության հասավ 2։0 հաշվով։

Իտալացի Անտոնիո Կոնտեի գլխավորած թիմի կազմում 33-րդ րոպեին հաշիվը բացեց բելգիացի հարձակվող Ռոմելու Լուկակուն։ Վերջնամասում աչքի ընկավ դանիացի կիսապաշտպան Կրիստիան Էրիկսենը։

«Ինտերը» քառորդ եզրափակիչում կխաղա «Գլազգո Ռեյնջերս» (Շոտլանդիա) - «Բայեր» (Գերմանիա) զույգի հաղթողի հետ։

Եվրոպայի լիգա, 1/8 եզրափակիչ

«Ինտեր» (Իտալիա) - «Խետաֆե» (Իսպանիա)` 2:0 (տեսանյութ)

Ռոմելու Լուկակու, 33, Կրիստիան Էրիկսեն, 83

Չիրացրած 11մ՝ Խորխե Մոլինա («Խետաֆե»), 75

«Մանչեսթեր Յունայթեդ» (Անգլիա) - «ԼԱՍԿ Լինց» (Ավստրիա)` 2։1 (առաջին խաղ՝ 5։0), (տեսանյութ)

Ջեսի Լինգարդ, 57, Անտոնի Մարտիալ, 88 - Ֆիլիպ Վիզինգեր, 55

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։