Կատալոնական «Բարսելոնայի» և Բրազիլիայի ազգային հավաքականի կիսապաշտպան Ֆիլիպե Կոուտինյոն, ամենայն հավանականությամբ, մարզական կարիերան կշարունակի Լոնդոնի «Արսենալում»:
The Telegraph-ի հաղորդմամբ՝ 28-ամյա ֆուտբոլիստը բանակցություններ է վարում «Արսենալի» հետ և դեմ չէ կարիերան շարունակել լոնդոնյան ակումբում:
Նշվում է, որ «Արսենալը» 1 տարով կվարձակալի Կոուտինյոյին՝ հետագայում նրա տրանսֆերային իրավունքը ձեռք բերելու հնարավորությամբ:
Ավելի վաղ հայտնի էր դարձել, որ Կոուտինյոյի տեղափոխությամբ հետաքրքրված է ֆուտբոլիստի նախկին ակումբը՝ «Լիվերպուլը»:
Ավարտված մրցաշրջանում բրազիլացի ֆուտբոլիստը «Բավարիայի» կազմում 32 խաղում դարձել է 9 գոլի և 6 գոլային փոխանցման հեղինակ:
Հիշեցնենք, որ Ֆիլիպե Կոուտինյոն «Լիվերպուլում» հանդես է եկել 2013-2018 թվականներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։