Նոր ձեւավորված Հայաստանի երկրորդ հավաքականը կխաղա Աբխազիայի թիմի հետ

09:02   14 սեպտեմբերի, 2012

Հայաստանի առաջնությանը մասնակցող ակումբների խաղացողներից կազմվել է ֆուտբոլի Հայաստանի երկրորդ հավաքական, որը կոչվում է Արցախի ազգային հավաքական, հաղորդում է Դիլիջանի «Իմպուլսի» պաշտոնական կայքը:

Արցախի հավաքականն ընկերական հանդիպումներ կանցկացնի չճանաչված հանրապետությունների թիմերի հետ: Հայաստանի երկրորդ հավաքական են հրավիրվել 22 ֆուտբոլիստներ, ովքեր Ավանի ֆուտբոլային ակադեմիայում ընթացող հավաքի ընթացքում երկկողմանի հանդիպում են անցկացրել:

Սեպտեմբերի 25-ին Արցախի հավաքականն արտագնա ընկերական խաղում ուժերը կչափի Աբխազիայի թիմի հետ: Մեկ ամիս անց Աբխազիայի հավաքականը պատասխան այցով կժամանի Երեւանում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։