Մարտին Բերբերյան․ Թուրքական եւ ադրբեջանական դեսպանատները բողոքել են UFC-ին Էդմեն Շահբազյանի դեմ (ֆոտո)
14:36 5 օգոստոսի, 2020Լաս Վեգասում տեղի ունեցած խառը մենամարտերի մրցաշարում ամերիկահայ Էդմեն Շահբազյանի՝ օկտագոն Արցախի դրոշով դուրս գալը ադրբեջանական եւ թուրքական դեսպանատների դժգոհություններին է արժանացել: UFC կազմակերպությանը բողոք է ներկայացվել:
Այս մասին NEWS.am Sport-ի թղթակցի հետ զրույցում ԱՄՆ-ից ասաց ազատ ոճի ըմբշամարտի 2004թ. Եվրոպայի չեմպիոն Մարտին Բերբերյանը, որը նաեւ UFC մարտիկ Էդմեն Շահբազյանի ըմբշամարտի մարզիչն է:
Օգոստոսի 2-ին Լաս Վեգասում անցկացվեց խառը մենամարտերի UFC Fight Night 173 մրցաշարը, որի գլխավոր մենամարտում Էդմեն Շահբազյանը միջին քաշային կարգում մրցեց 36-ամյա ամերիկացի Դերեք Բրանսոնի հետ։ Մենամարտի երրորդ ռաունդում գրանցվեց տեխնիկական նոկաուտ՝ հայ մարզիկի պարտությամբ։
22-ամյա ամերիկահայ մարտիկը օկտագոն դուրս եկավ Արցախի դրոշով, ինչը մենամարտից հետո դժգոհությունների պատճառ է դարձել:
«Արցախի դրոշով դուրս գալուց հետո մեծ խոսակցություններ եղան: Թուրքական եւ ադրբեջանական դեսպանատները բողոքել են UFC կազմակերպությանը Էդմենի այդ քայլի համար: Բայց մեր տղան իր այդ քայլից չի մտափոխվել եւ հպարտ էր, որ հենց Արցախի դրոշով էր մտել ռինգ: Նա պարտվեց, բայց դեռ երիտասարդ է եւ ավելի ուժեղ կվերադառնա»,- ասաց Մարտին Բերբերյանը:
Էդմեն Շահբազյանը առաջին պարտությունն է կրել խառը մենամարտերում, ունի 11 հաղթանակ:
Լուսինե Շահբազյան
Ֆոտո՝ Մարտին Բերբերյանի անձնական արխիվից
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.