Մադրիդի «Ռեալի» և Կոլումբիայի ազգային հավաքականի կիսապաշտպան Խամես Ռոդրիգեսը կարող է մարզական կարիերան շարունակել ֆրանսիական ՊՍԺ-ում:
Le10Sport-ի հաղորդմամբ՝ 29-ամյա ֆուտբոլիստի գործակալ Ժորժե Մենդեշը Խամես Ռոդրիգեսի ծառայություններն առաջարկել է ֆրանսիական ՊՍԺ-ին: Փարիզյան ակումբը դեռ չի պատասխանել Մենդեշին:
Կոլումբացի կիսապաշտպանի պայմանագիրն Արքայական ակումբի հետ նախատեսված է մինչև 2021 թվականի հունիս: Նշվում է, որ «Ռեալը» ցանկանում է Խամես Ռոդրիգեսի վաճառքից ստանալ առնվազն 35 միլիոն եվրո:
Խամես Ռոդրիգեսի ծառայություններով հետաքրքրված են նաև Մադրիդի «Աթլետիկոն», Լոնդոնի «Արսենալը», «Էվերտոնը», «Մանչեսթեր Յունայթեդը» և «Վուլվերհեմփթոնը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։