Ռաֆայել Նադալը չի մասնակցի US Open-ին

Աշխարհի երկրորդ ռակետ, իսպանացի Ռաֆայել Նադալը հայտարարել է ԱՄՆ-ի Բաց առաջնությանը չմասնակցելու որոշում ընդունելու մասին:

Նադալը նշել է, որ մրցաշարին չի մասնակցի աշխարհում կորոնավիրուսի համավարակի պատճառով:

«Ես ընդունել եմ մի որոշում, որը երբեք չէի ցանկանա ընդունել, սակայն ստիպված եմ այս տարի բաց թողնել US Open-ը, քանի որ նախընտրում եմ չճամփորդել: Կորոնավիրուսի հետ կապված իրավիճակը գնալով վատանում է, դեպքերն ավելանում են, և մենք չենք կարողանում վերահսկել այդ վարակը»,- գրել է Նադալը Թվիթերի իր պաշտոնական էջում:

Ռաֆայել Նադալը US Open-ի գործող չեմպիոնն է:

ԱՄՆ-ի Բաց առաջնությունը կմեկնարկի օգոստոսի 31-ին:

After many thoughts I have decided not to play this year’s US Open. The situation is very complicated worldwide, the COVID-19 cases are increasing, it looks like we still don’t have control of it.

— Rafa Nadal (@RafaelNadal) August 4, 2020