France Football. 2019-ին Ռոնալդուն ցանկություն է հայտնել տեղափոխվել ՊՍԺ
11:42 4 օգոստոսի, 2020Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն 2019 թվականի հոկտեմբերին ցանկություն է հայտնել տեղափոխվել Փարիզի ՊՍԺ, տեղեկացնում է France Football-ը:
35-ամյա հարձակվողը դժգոհ է եղել «Յուվենտուսի» մրցելույթներից և իր մտերիմների հետ զրույցում նշել, որ կցանկանար խաղալ Նեյմարի ու Մբապեի կողքին:
Ավելի վաղ հայտնի էր դարձել, որ կորոնավիրուսի պանդեմիայի հետևանքով առաջացած ֆինանսական դժվարությունների պատճառով «Յուվենտուսը» քննարկում է Ռոնալդուին վաճառելու հնարավորությունը:
Իտալիայի առաջնության ավարտված մրցաշրջանում պորտուգալացի հարձակվողը «Յուվենտուսի» կազմում մասնակցել է 33 հանդիպման, խփել 31 գոլ, կատարել 6 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։