Չիրո Իմոբիլե․ Երբեմն երազանքները կատարվում են

15:27   2 օգոստոսի, 2020

Հռոմի «Լացիոյի» 30-ամյա իտալացի հարձակվող Չիրո Իմոբիլեն մեկնաբանել է հաղթանակը Եվրոպայի լավագույն ռմբարկուի «Ոսկե խաղակոշիկ» մրցանակի համար մրցավազքում։ Իտալիայի ավարտված առաջնությունում Իմոբիլեն մասնակցեց 37 հանդիպման եւ խփեց 36 գոլ։

«Շատ հպարտ եմ։ Երբ շատ ես հավատում, երբեմն երազանքները կատարվում են։ Շնորհակալ եմ թիմակիցներիս, մարզչական շտաբին։ Սա ամբողջ թիմի նվաճումն է։ Շնորհակալ եմ «Լացիոյի» երկրպագուներին, որոնք ստիպեցին ինձ զգալ անփոխարինելի այս թիմում։

Չհանձնվելու դեպքում, հնարավոր է հասնել ամեն նպատակի։ Շատ հպարտ եմ, որ իմ տեղն ունեցա ֆուտբոլի պատմության մեջ»,- Իմոբիլեի խոսքը մեջբերում է Gazetta.it-ը։

Լավագույն եռյակում Իմոբիլեն հետ է թողել Գերմանիայի չեմպիոն Մյունխենի «Բավարիայի» լեհ հարձակվող Ռոբերտ Լեւանդովսկուն (34 գոլ) եւ Իտալիայի չեմպիոն Թուրինի «Յուվենտուսի» պորտուգալացի հարձակվող Կրիշտիանու Ռոնալդուին (31 գոլ)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։