Վիլիանն ու Կանտեն պատրաստ կլինեն «Արսենալի» դեմ եզրափակիչին

22:25   31 հուլիսի, 2020

Լոնդոնի «Չելսիի» առաջատարներից, ֆրանսիացի կիսապաշտպան Նգոլո Կանտեն եւ բրազիլացի հարձակվող Վիլիանը պատրաստ կլինեն Լոնդոնի «Արսենալի» հետ Անգլիայի գավաթի խաղարկության եզրափակիչ հանդիպմանը։

Նրանք առողջական խնդիրներ ունեին, սակայն խաղից մեկ օր առաջ մարզվել են անգլիացի Ֆրենկ Լեմպարդի գլխավորած թիմի ընդհանուր խմբում, հաղորդում է BBC-ն։

Լեմպարդը նաեւ հայտնել է, որ Ռուբեն Լոֆտուս-Չիկը վնասվածք է ստացել եւ չի կարողանա խաղալ։

Անգլիայի գավաթի խաղարկության եզրափակիչի «Արսենալ» - «Չելսի» հանդիպումը տեղի կունենա օգոստոսի 1-ին Լոնդոնի «Ուեմբլի» ստադիոնում եւ կմեկնարկի Երեւանի ժամանակով 20։30-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։