2014թ․ աշխարհի չեմպիոնն ավարտեց ֆուտբոլիստի կարիերան

17:10   31 հուլիսի, 2020

Ֆուտբոլի Գերմանիայի հավաքականի կազմում 2014թ․ աշխարհի չեմպիոն դարձած 32-ամյա պաշտպան Բենեդիկտ Հյովեդեսը հայտարարել է կարիերան ավարտելու մասին, հաղորդում է Der Spiegel-ը։ Նա գրեթե ամբողջ ակումբային կարիերան անցկացրել է գերմանական «Շալկեում»։ 2007-2018 թվականների Հյովեդեսը Գելզենկիրխենի թիմում մասնակցել է 335 հանդիպման, խփել 23 գոլ։ «Շալկեի» հետ նա դարձել է Գերմանիայի գավաթակիր եւ սուպերգավաթակիր։

Հյովեդեսը Թուրինի «Յուվենտուսում» (2017-2018) նվաճել է Իտալիայի չեմպիոնի եւ գավաթակրի տիտղոսները, Մոսկվայի «Լոկոմոտիվում» (2018-2020)՝ Ռուսաստանի գավաթն ու սուպերգավաթը։

Գերմանիայի հավաքականի հետ Հյովեդեսը դարձել է նաեւ Եվրոպայի առաջնության կրկնակի բրոնզե մեդալակիր (2012, 2016)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։