«Միլանը» համաձայնության է եկել Իբրահիմովիչի հետ

11:19   31 հուլիսի, 2020

Իտալական «Միլանի» շվեդ հարձակվող Զլատան Իբրահիմովիչը հաջորդ մրցաշրջանում ևս կշարունակի մրցելույթները միլանյան ակումբի կազմում:

La Gazzetta dello Sport-ի հաղորդմամբ՝ «Միլանը» համաձայնության է եկել 38-ամյա Իբրահիմովիչի հետ նրա պայմանագիրը ևս 1 տարով երկարաձգելու հարցում:

Իբրահիմովիչը հաջորդ մրցաշրջանի համար կստանա 4 միլիոն եվրո աշխատավարձ:

Ավելի վաղ 38-ամյա Իբրահիմովիչը, որը ձմեռային տրանսֆերային պատուհանի ընթացքում էր տեղափոխվել «Միլան», հայտարարել էր, որ մտածում է իտալական ակումբից հեռանալու մասին:

Իտալական մարզական պարբերականները հաղորդում էին, որ «Միլանը» Իբրահիմովիչի փոխարեն ցանկանում է ձեռք բերել «Ռոմայի» բոսնիացի հարձակվող Էդին Ջեկոյին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։