Սաուդյան Արաբիայի թագաժառանգ Մոհամադ բին Սալմանի ներդրումային հիմնադրամը հրաժարվել է ձեռք բերել անգլիական «Նյուքասլ» ֆուտբոլային ակումբը, տեղեկացնում է Sky Sports-ը:
«Մենք չկարողացանք համաձայնության հասնել «Նյուքասլի» ձեռքբերման վերաբերյալ: Ամեն ինչ գրեթե պատրաստ էր, սակայն բանակցությունների վերջին փուլում որոշ կետերի շուրջ չհաջողվեց համաձայնության հասնել:
Մեզ դուր էր գալիս ակումբը, քաղաքը և մենք ցանկանում էինք «Նյուքասլը» դարձնել աշխարհի լավագույն ակումբներից մեկը»,- նշել է հիմնադրամի աշխատակիցը:
Հիշեցնենք, որ Մոհամադ բին Սալմանի ներդրումային հիմնադրամը պատրաստակամություն էր հայտնել «Նյուքասլի» դիմաց վճարել 340 միլիոն բրիտանական ֆունտ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։