Սպորտի եւ երիտասարդության հարցերի նախարար Հրաչյա Ռոստոմյանը ընդունել է 30-րդ օլիմպիական խաղերի ոսկե մեդալակիր Արսեն Գալստյանին։
Նախարարը շնորհավորել է մարզիկին օլիմպիական ոսկի նվաճելու կապակցությամբ։ «Հպարտ ենք, որ ունենք ազգությամբ հայ նոր օլիմպիական չեմպիոն եւ միաժամանակ ուրախ, որ նա չի խզում կապերը հայրենիքի հետ: Մաղթում եմ, որ 2016 թվականին Ռիո Դե Ժանեյրոյում նույնպես Արսենը օլիմպիական ոսկու արժանանա»,- ասել է նախարարը:
Արսեն Գալստյանը շնորհակալություն է հայտնել նախարարին ջերմ ընդունելության համար՝ նշելով, որ միշտ հպարտացել է իր հայ լինելով եւ հորդորել արտերկրում աշխատող բոլոր հայ մարզիկներին սերտացնել կապերը հայրենիքի հետ, հայտնում է նախարարության լրատվական բաժինը։
60 կգ քաշային Արսեն Գալստյանը Լոնդոնի Օլիմպիական խաղերում նվաճեց Ռուսաստանի առաջին ոսկե մեդալը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։