Իտալացի մարզիչ Ջիանի Դե Բիազին նշանակվել է ֆուտբոլի Ադրբեջանի հավաքականի գլխավոր մարզիչ, հայտնում է այդ երկրի ֆուտբոլի ֆեդերացիայի մամուլի ծառայությունը։ 64-ամյա մասնագետի պայմանագիրը նախատեսված է մինչեւ 2021թ․ դեկտեմբեր՝ 2022թ․ աշխարհի առաջնության ընտրական մրցաշարի ավարտը։
Դե Բիազին Բաքու կժամանի օգոստոսի 10-ին։ Սեպտեմբերին Ադրբեջանի հավաքականը կմեկնարկի ՈւԵՖԱ-ի Ազգերի լիգայում։
Հիշեցնենք, որ Դե Բիազին 2018թ․ աշնանը ՀՖՖ-ի հրավերով ժամանել էր Երեւան, սակայն բանակցություններից հետո հրաժարվել էր գլխավորել Հայաստանի հավաքականը։
Դե Բիազիի գլխավորությամբ Ալբանիայի ազգային հավաքականը դուրս է եկել 2016թ. Եվրոպայի առաջնության եզրափակիչ մրցաշար: 2017-ին իսպանական «Ալավեսից» հեռանալուց հետո Դե Բիազին չուներ մարզչական աշխատանք։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։