Մատս Հումելսը վնասվածք է ստացել «Բորուսիայի» մարզման ժամանակ

23:43   30 հուլիսի, 2020

Դորտմունդի «Բորուսիայի» 31-ամյա գերմանացի պաշտպան Մատս Հումելսը վնասվածք է ստացել մարզման ժամանակ։ Այդ մասին հայտնել է գերմանական ակումբի մարզական տնօրեն Միխայել Ցորկը։

«Հումելսը մարզման ժամանակ վնասել է սրունքը։  Հույս ունենք, որ նա կհասցնի վերականգնվել մինչեւ շվեյցարական Բադ-Ռագացում նախատեսված հավաքը, որը կմեկնարկի օգոստոսի 10-ին»,- Ցորկի խոսքը մեջբերում է «Բորուսիայի» մամուլի ծառայությունը։

Ավարտված մրցաշրջանում Հումելսը «Բորուսիայի» հետ բոլոր մրցաշարերում մասնակցել է 41 հանդիպման, խփել 1 գոլ, կատարել 3 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։