Կատալոնական «Բարսելոնայի» պաշտոնական անդամները հայտարարել են ակումբի նախագահ Խոսեպ Մարիա Բարտոմեուին անվստահություն հայտնելու մտադրության մասին, տեղեկացնում է Sport.es-ը:
Բարտոմեուին անվստահություն հայտնելու հարցը հանրաքվեի դնելու համար նախաձեռնության կազմակերպիչները պետք է 14-օրյա ժամկետում կարողանան հավաքել ակումբի անդամների 15 տոկոսի ստորագրությունը (շուրջ 17 հազար անդամ):
Հանրաքվե անցկացնելու համար բավարար թվով ձայներ հավաքելու և Բարտոմեուին անվստահություն հայտնելուց հետո կնշանակվի ակումբի նախագահի արտահերթ ընտրություն:
Նշենք, որ «Բարսելոնայի» նախագահի հերթական ընտրությունը նախատեսված է անցկացնել 2021 թվականի հունիսին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։