Հայաստանի հավաքականը հավաք է սկսել Ծաղկաձորում, կորոնավիրուսով վարակվածներն առողջացել են

17:06   29 հուլիսի, 2020

Հունահռոմեական ոճի ըմբշամարտի Հայաստանի հավաքականը ուսումնամարզական հավաք է սկսել Ծաղկաձորի մարզաբազայում: Այն կտևի երկու շաբաթ։

Հավաքականի մարզիչ Սամվել Գեւորգյանը NEWS.am Sport-ի թղթակցի հետ զրույցում հայտնեց, որ մասնակցում են հիմնական կազմի բոլոր ըմբիշները։ Կորոնավիրուսով վարակված երեք ըմբիշները ապաքինվել են։ Նրանք եւ թիմի մյուս անդամներն ու մարզիչները դարձյալ թեստ են հանձնել։ Վարակվածներ չկան։ Հավաքին մասնակցում է մոտ 30 ըմբիշ։

«Հարգելի լրագրողներ, խնդիրներից խուսափելու համար, հավաքը լինելու է փակ, քանի որ առկա համաճարակային վիճակը դեռևս մնում է վտանգավոր»,- նշվում է Հայաստանի ըմբշամարտի ֆեդերացիայի մամուլի ծառայության հաղորդագրությունում:

Հիշեցնենք, որ հունահռոմեական ըմբշամարտի Հայաստանի հավաքականի 3 ըմբիշի մոտ կորոնավիրուսի թեստը դրական պատասխան էր տվել եւ հուլիսի 15-ին նախատեսված ծաղկաձորյան հավաքը հետաձգվել էր երկու շաբաթով:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։