Երեւանի «Արարատը» պայմանագրեր է կնքել պաշտպաններ Քրսիտիան Խիմենեսի և Հրայր Մկոյանի հետ, հայտնում է ակումբի մամուլի ծառայությունը:
Խիմենեսը «Արարատի» կազմը համալրել է «Լոռիից», իսկ Մկոյանի նախորդ ակումբը եղել է «Շիրակը»:
33-ամյա պաշտպանը Հայաստանում հանդես գալու մեծ փորձ ունի: Նախկինում խաղացել է «Ուլիս», «Միկա» ակումբներում, պաշտպանել է «Ալաշկերտի», «Գանձասար-Կապանի», «Արարատ-Արմենիայի» գույները, նաև հանդես է եկել «Արարատում»: Մկոյանը հարուստ կարիերայի ընթացքում եղել է նաև «Էսթեղլալ», «Բուդեյովիցե», «Սպարտակ Նալչիկ» ակումբներում:
Հայաստանի ազգային հավաքականում անցկացրել է ավելի քան 40 հանդիպում:
Քրիստիան Խիմենեսը մինչեւ «Լոռի» տեղափոխվելը հանդես է եկել իսպանական «Ալկալա» ակումբում:
«Արարատը» պայմանագրեր է կնքել նաեւ կիսապաշտպան Էդգար Մալաքյանի և դարպասապահ Վսևոլոդ Երմակովի հետ։ Երկու ֆուտբոլիստներն էլ «Արարատ» են տեղափոխվել «Շիրակից»:
Մալաքյանը կարիերայի ընթացքում հանդես է եկել «Ժետիսու», «Պետրոլուլ», «Ստալ», «Վիկտորի Պլզեն», «Չեսկե Բուդեյովիցե» ակումբներում, իսկ Բարձրագույն խմբում ներկայացրել է «Ալաշկերտը», «Բանանցը» (այժմ «Ուրարտու») և «Փյունիկը»:
Հայաստանի ազգային հավաքականում անցկացրել է մեկ տասնյակից ավելի հանդիպում:
Երմակովը ռուսասկան «Կրասնոդարի» սան է: Հանդես է եկել «Կրասնոդարի» երկրորդ թիմում, նաև «Տորպեդո Արմավիրում»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։