ՊՍԺ․ Մբապեի ապաքինման համար կպահանջվի 3 շաբաթ

23:05   27 հուլիսի, 2020

Ֆրանսիայի չեմպիոն եւ գավաթակիր ՊՍԺ-ի ֆրանսիացի հարձակվող Կիլիան Մբապեի ապաքինման համար կպահանջվի երեք շաբաթ, հաղորդում է փարիզյան ակումբի մամուլի ծառայությունը, որը հրապարակել է 21-ամյա խաղացողի ոտնաթաթի բուժզննման արդյունքները։

Մբապեն վնասվածքը ստացել էր «Սենթ Էթիենի» դեմ Ֆրանսիայի գավաթի խաղարկության եզրափակիչ հանդիպման 27-րդ րոպեին եւ փոխարինվել։ ՊՍԺ-ն հաղթել էր 1։0 հաշվով եւ նվաճել գավաթը։

Գերմանացի Թոմաս Տուխելի գլխավորած թիմը օգոստոսի 12-ին կանցկացնի Չեմպիոնների լիգայի քառորդ եզրափակիչի հանդիպումն իտալական «Ատալանտայի» հետ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։