Կապելոն նշել է «Ռեալում» Ազարի անհաջող մրցելույթների պատճառը
18:12 27 հուլիսի, 2020Մադրիդի «Ռեալի» նախկին գլխավոր մարզիչ Ֆաբիո Կապելոն խոսել է 2019/20 մրցաշրջանում «Ռեալի» բելգիացի հարձակվող Էդեն Ազարի անհաջող մրցելույթների մասին:
«Հիասթափեցրե՞լ է ինձ Ազարը: Անկեղծ ասած՝ այո: Նա «Ռեալում» չի խաղում այնպես, ինչպես «Չելսիում»: Նա երկար ժամանակ բացակայեց վնասվածքների պատճառով, սակայն կարծում եմ, որ խնդիրը դա չէ:
Ըստ իս՝ Ազարը չկարողացավ ադապտացվել «Ռեալի» խաղաոճին և իսպանական ֆուտբոլին: Հուսով եմ, որ հաջորդ մրցաշրջանում նա կկարողանա շտկել իրավիճակը»,- Կապելոյի խոսքը փոխանցում է Marca-ն:
Հիշեցնենք, որ 29-ամյա Էդեն Ազարը «Չելսիից» «Ռեալ» է տեղափոխվել 2019 թվականի ամռանը: Արքայական ակումբի կազմում Ազարն անցկացրել է 21 հանդիպում, խփել 1 գոլ, կատարել 4 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։