Գվարդիոլա․ «Ռեալի» հետ նախորդ խաղի արդյունքը չի ստիպի խաղալ ավելի լավ, պետք է պատրաստվել

Անգլիայի փոխչեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան խոսել է Մադրիդի «Ռեալի» հետ առաջիկա դիմակայության մասին։ Թիմերը կհանդիպեն Չեմպիոնների լիգայի 1/8 եզրափակիչի պատասխան խաղում։

«Երկու թիմերի համար էլ եզրափակիչին համարժեք խաղ կլինի։ Գլխավորը սխալներից խուսափելն է եւ մեր ֆուտբոլը ցուցադրելը։

«Ռեալի» հետ նախորդ խաղի արդյունքը չի ստիպի խաղալ ավելի լավ, պետք է պատրաստվել։ Դեռ երկու շաբաթ ունենք։ Գլխավոր մոտիվացիան հաջորդ փուլ դուրս գալու եւ «Ռեալին» հաղթելու նպատակն է։

Եթե ամեն ինչ լավ լինի նախապատրաստական փուլում, կունենանք հաղթելու հնարավորություն»,- Գվարդիոլայի խոսքը մեջբերում է BBC-ն։

Մադրիդում «Մանչեսթեր Սիթին» հաղթել է 2։1 հաշվով։ Պատասխան հանդիպումը տեղի կունենա օգոստոսի 7-ին։