38-ամյա Իբրահիմովիչը կարիերան ավարտելու մտադրություն չունի
20:34 25 հուլիսի, 2020Իտալական «Միլանի» 38-ամյա շվեդ հարձակվող Զլատան Իբրահիմովիչը թվիթերյան հայտարարությամբ նշել է, որ կարիերան ավարտելու մտադրություն չունի։
«Դուք կարծո՞ւմ եք, որ ես սպառվել եմ եւ իմ կարիերան շուտով կավարտվի։ Դուք ինձ չեք ճանաչում։ Ամբողջ կյանքում ստիպված եմ եղել պայքարել։ Ոչ ոք չէր հավատում ինձ, բայց ես ստիպեցի հավատալ։
Ոմանք ցանկանում էին կոտրել ինձ, բայց ինձ դարձրին ավելի ուժեղ։ Մյուսները ցանկանում էին օգտագործել ինձ, բայց ինձ դարձրին ավելի խելացի։
Եվ հիմա դուք կարծո՞ւմ եք, որ ես սպառվել եմ։ Բոլորիդ կարող եմ ասել միայն մեկ բան՝ ես նման չեմ ձեզ։ Ես Զլատան Իբրահիմովիչն եմ, եւ ես դեռ ընդամենը նախավարժանք եմ անում»,- գրել է Իբրահիմովիչը։
Իտալիայի ընթացիկ առաջնությունում Իբրահիմովիչը մասնակցել է 16 հանդիպման, խփել 7 գոլ, կատարել 4 գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։