Գերմանական Kicker պարբերականը պրոֆեսիոնալ ֆուտբոլիստների շրջանում անցկացրած հարցումենրի շնորհիվ պարզել է Բունդեսլիգայի 2019/20 մրցաշրջանի լավագույն ֆուտբոլիստին և մրցաշրջանի գլխավոր հիասթափությանը:
Մրցաշրջանի լավագույն ֆուտբոլիստ է ճանաչվել Մյունխենի «Բավարիայի» և Լեհաստանի ազգային հավաքականի հարձակվող Ռոբերտ Լևանդովսկին, որը ստացած ձայների թվով առաջ է անցել «Բորուսիայի» կիսապաշտպան Ջեյդոն Սանչոյից և «Բավարիայի» պաշտպան Ջոշուա Կիմիխից:
Մրցաշրջանի գլխավոր հիասթափությունը Դորտմունդի «Բորուսիայի» գերմանացի կիսապաշտպան Մարիո Գյոտցեն է, որ արդեն ազատ գործակալի կարգավիճակ ունի:
Բունդեսլիգայի լավագույն դարպասապահ է ճանաչվել «Բավարիայի» գերմանացի դարպասապահ Մանուել Նոյերը, իսկ վատագույնը՝ «Շալկե 04»-ից «Բավարիա» տեղափոխված Ալեքսանդր Նյուբելը:
Հարցվածների համոզմամբ՝ մրցաշրջանի լավագույն մարզիչը «Բավարիայի» գլխավոր մարզիչ Հանս-Դիտեր Ֆլիկն է, իսկ վատագույնը՝ «Հերտայից» հեռացած Յուրգեն Կլինսմանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։