Հայաստանի հավաքականը բողոք է ներկայացրել ՖԻՖԱ

11:01   13 սեպտեմբերի, 2012

Ֆուտբոլի Բուլղարիայի հավաքականը կարող է պատժվել իր երկրպագուների վարքի համար: Աշխարհի 2014թ. առաջնության ընտրական մրցաշարի երկրորդ տուրի՝ Բուլղարիա – Հայաստան (1:0) խաղի ժամանակ բուլղարացի ֆանատները հայ ֆուտբոլիստներ հասցեին վանկարկել են՝ «ցիգանի, ցիգանի» (գնչուներ), տեղեկացնում է sportal.bg-ը՝ հղում անելով «Меридиан Мач»-ին:

Աղբյուրի փոխանցմամբ՝ Հայաստանի հավաքականն արդեն բողոք է ներկայացրել ՖԻՖԱ: Հայկական կողմը բողոքարկել է նաեւ հանդիպման գլխավոր մրցավար Շտեֆան Շտուդերի ցույց տված երկու կարմիր քարտերը Մարկոս Պիզելիին եւ Գեւորգ Ղազարյանին:

Եթե ՖԻՖԱ-ն բուլղարացիների վարքը ռասիզմ որակի, ապա Բուլղարիայի հավաքականը կարող է երկու խաղ առանց երկրպագուների անցկացնել:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։