Սետիեն. «Օսասունայի» խփած 2 գոլը ոչինչ չի նշանակում, «Բարսելոնան» արժանի էր հաղթանակի

09:44   17 հուլիսի, 2020

Կատալոնական «Բարսելոնայի» գլխավոր մարզիչ Էնրիկե Սետիենը մեկնաբանել է Լա Լիգայի 37-րդ տուրում «Կամպ Նոու» ստադիոնում «Օսասունայից» կրած պարտությունը, որը զրկեց թիմին Լա Լիգայի չեմպիոնությունից:

«Մենք գերազանցում էինք «Օսասունային» և արժանի էինք հաղթանակի: Այն, որ «Օսասունան» 2 գոլ խփեց մեզ, դա ոչինչ չի նշանակում:

«Բարսելոնան» այժմ պետք է մտածի միայն Չեմպիոնների լիգայում հաղթելու մասին»,- Սետիենի խոսքը փոխանցում է Sport.es-ը:

Հիշեցնենք, որ «Ռեալը» «Վիլյառեալի» նկատմամբ հաղթանակ տարավ 2:1 հաշվով և 34-րդ անգամ նվաճեց Իսպանիայի չեմպիոնի կոչումը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։