«Մանչեսթեր Յունայթեդն» ուժեղ էր «Քրիսթալ Փելասից» (տեսանյութ)

Անգլիայի առաջնության 36-րդ տուրում «Մանչեսթեր Յունայթեդը» արտագնա խաղում ուժերը չափեց «Քրիսթալ Փելասի» հետ: Հանդիպումն ավարտվեց նորվեգացի Ուլե-Գունար Սուլշերի գլխավորած թիմի հաղթանակով՝ 2:0 հաշվով:

Առաջին խաղակեսի ավելացված ժամանակի առաջին րոպեին խաղի հաշիվը բացեց անգլիացի հարձակվող Մարկուս Ռեշֆորդը: 78-րդ րոպեին Ռեշֆորդի փոխանցումից հետո ֆրանսիացի հարձակվող Անտոնի Մարսիալը կրկնապատկեց իր թիմի առավելությունը:

36-րդ տուրից հետո «Մանչեսթեր Յունայթեդն» ունի 62 միավոր և մրցաշարային աղյուսակի 5-րդ տեղում է: Նույնքան միավոր ունի նաև չորրորդ տեղում գտնվող «Լեսթերը»: «Քրիսթալ Փելասը» 42 միավորով 14-րդ տեղում է:

ՏԵՍԱՆՅՈՒԹ

Անգլիայի առաջնություն, 36-րդ տուր

«Քրիսթալ Փելաս» - «Մանչեսթեր Յունայթեդ»՝ 0:2

Մարկուս Ռեշֆորդ, 45+1, Անտոնի Մարսիալ, 78