Ջերմուկում անցկացված Ստեփան Ավագյանի հուշամրցաշարի հաղթողի կոչումը նվաճել է արցախցի գրոսմայստեր Մանուել Պետրոսյանը, որը 9 հնարավորից վաստակել է 8 միավոր եւ միանձնյա գրավել է առաջին տեղը։
Հայկ Մարտիրոսյանը 6,5 միավորով գրավել է երկրորդ տեղը։
Լավագույն եռյակը եզրափակել է Շանթ Սարգսյանը՝ 6 միավոր։
Մրցաշարն անցկացվում էր շրջանային մրցակարգով՝ 10 մասնակիցներով, 9 խաղափուլով: Մրցաշարը ՖԻԴԵ-ի 10-րդ կարգի էր` միջազգային գրոսմայստերի նորմայով (միջին վարկանիշը` 2499.4):
Կիրառվում էր Ֆիշերի ժամակարգը. 90 րոպե առաջին 40 քայլի համար, այնուհետև 15 րոպե՝ մինչև խաղի ավարտը՝ յուրաքանչյուր քայլին 30 վայրկյան հավելումով՝ սկսած առաջին քայլից:
Մրցանակային հիմնադրամը 3 հազար ԱՄՆ դոլար էր:
Ֆոտո՝ chessfed.am
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։