Իսպանիայի առաջնության 36-րդ տուրում Մադրիդի «Ռեալը» հյուրընկալվեց «Գրանադային»։ Ֆրանսիացի Զինեդին Զիդանի գլխավորած թիմն առավելության հասավ 2։1 հաշվով։
10-րդ րոպեին բրազիլացի կիսապաշտպան Կազեմիրոյի փոխանցումից հետո հաշիվը բացեց ֆրանսիացի պաշտպան Ֆերլան Մենդին։
6 րոպե անց ֆրանսիացի հարձակվող Քարիմ Բենզեման կրկնապատկեց Արքայական թիմի առավելությունը։ Գոլային փոխանցումը կատարեց խորվաթ կիսապաշտպան Լուկա Մոդրիչը։
50-րդ րոպեին դաշտի տերերը կրճատեցին հաշվի տարբերությունը, սակայն ավելին անել չկարողացան։
«Ռեալը» 83 միավորով գլխավորում է մրցաշարային աղյուսակը եւ առաջնության ավարտից երկու տուր առաջ 4 միավորի առավելություն ունի երկրորդ տեղում ընթացող «Բարսելոնայի» նկատմամբ։ «Գրանադան» 10-րդն է՝ 50 միավոր։
Իսպանիայի առաջնություն, 36-րդ տուր
«Գրանադա» - «Ռեալ»՝ 1։2 (տեսանյութ)
Դարվին Մաչիս, 50 - Ֆերլան Մենդի, 10, Քարիմ Բենզեմա, 16
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։